நெருங்கும் கேட் தேர்வு - நீங்கள் தயாரா? | Kalvimalar - News
இந்தியாவின் 13 ஐ.ஐ.எம்.,களில் மொத்தமுள்ள 3,000 இடங்களில், எப்படியாவது ஒன்றில் இடம்பிடித்துவிட வேண்டும் என்பதே, சி.ஏ.டி., தேர்வை எழுதும் ஒவ்வொரு மாணவரின் ஏக்கமாக இருக்கிறது.
எனவே, அக்டோபர் மாத மத்தியில் தொடங்கும் கேட் தேர்வை, நல்லபடியாக எழுத வேண்டும் என்ற பதைபதைப்பில் தற்போது மாணவர் உலகம் இருக்கிறது.
தேர்வுக்கு இன்னும் சில நாட்களே இருக்கும் நிலையில், தேர்வுக்கு படிக்கத் தேவையான அனைத்து பகுதிகளிலும் ஒரு ரவுண்டு வந்திருப்பீர்கள் என்று நம்பலாம். மேலும், ஒவ்வொரு பகுதியிலும் எந்தமாதிரியான கேள்விகள் கேட்கப்படும் என்பது உங்களுக்குத் தெரிந்திருக்கும். இத்தகையதொரு முன்தயாரிப்பு, அடுத்த நிலைக்கு உங்களைத் தயார்படுத்தும்.
